आसन्न फाल्गुन २१ गते हुने प्रतिनिधि सभा सदस्य निर्वाचनका लागि रौतहट क्षेत्र नं. ३ बाट नेपाली कम्युनिष्ट पार्टीकी उम्मेदवार पुनम यादव ले आज कटहरिया नगरपालिका–७, बगहीमा भेटघाट कार्यक्रम सम्पन्न गरेकी छन्। कार्यक्रममा स्थानीय मतदाताको उल्लेखनीय उपस्थिति देखिएको थियो।
भेटघाटका क्रममा उनले टोल–टोलबाट आएका नागरिकसँग प्रत्यक्ष संवाद गर्दै स्वास्थ्य, शिक्षा, रोजगारी, कृषि र पूर्वाधारजस्ता विषयमा आफ्ना प्राथमिकता साझा गरिन्। सहभागीहरूले दैनिक जीवनसँग जोडिएका समस्या तथा सुझाव खुलेर राखेका थिए। महिला, युवा र ज्येष्ठ नागरिकको सक्रिय सहभागिताले कार्यक्रमलाई थप उत्साहपूर्ण बनाएको देखिएको छ। उपस्थितहरूको ऊर्जा र चासोले चुनावी माहोललाई थप सक्रिय बनाएको सहभागीहरूले बताएका छन्।
यादवले समुदायबाट आएका सुझाव र अपेक्षालाई प्राथमिकतामा राख्दै अघि बढ्ने प्रतिबद्धता जनाइन्। बगहीमा सम्पन्न आजको कार्यक्रमले प्रत्यक्ष संवादमार्फत मतदाता र उम्मेदवारबीच विश्वास निर्माण गर्ने प्रयासलाई निरन्तरता दिएको जनाइएको छ।
