आसन्न प्रतिनिधि सभा सदस्य निर्वाचन नजिकिँदै जाँदा रौतहट क्षेत्र नं. ३ मा नेपाली कम्युनिष्ट पार्टी (नेकपा) की उम्मेदवार पुनम यादवको पक्षमा जनलहर तीव्र बन्दै गएको छ। घरदैलो अभियान, टोल–टोल भेटघाट तथा युवासँग प्रत्यक्ष संवाद कार्यक्रमले मतदातामा नयाँ आशा र उत्साह सिर्जना गरेको स्थानीयहरूको भनाइ छ।
पछिल्लो समय विभिन्न दल परित्याग गरी नेकपामा प्रवेश गर्नेहरूको संख्या बढ्नुले पनि पुनम यादवको उम्मेदवारीप्रति जनविश्वास थप बलियो भएको विश्लेषण गरिएको छ। विशेष गरी युवा, महिला र श्रमिक वर्गबीच उनको लोकप्रियता उल्लेख्य देखिएको छ।
विकास र समावेशी एजेन्डा मुख्य आकर्षण
पुनम यादवले आफ्नो चुनावी एजेन्डामा शिक्षा, स्वास्थ्य, रोजगारी, कृषि आधुनिकीकरण, खेलकुद पूर्वाधार तथा स्थानीय उद्योग स्थापना जस्ता विषयलाई प्राथमिकतामा राखेकी छन्।
उहाँले “रौतहट–३ को समग्र विकास र जनताको आधारभूत आवश्यकताको सुनिश्चितता” आफ्नो मुख्य लक्ष्य भएको बताउँदै आएकी छन्।
स्थानीय बासिन्दाहरूका अनुसार, विगतका जनप्रतिनिधिहरूबाट अपेक्षित विकास नहुँदा परिवर्तनको चाहना बलियो बनेको छ, जसको विकल्पका रूपमा पुनम यादवलाई हेरिएको छ।
अन्तिम चार दिन : निर्णायक अभियान
चुनावको अन्तिम चरणमा पुगेसँगै पुनम यादवले घरदैलो अभियानलाई तीव्र बनाएकी छन्। विभिन्न स्थानमा आयोजित कोणसभा र जनभेटघाटमा उल्लेख्य सहभागिता देखिएको छ।
स्थानीय राजनीतिक विश्लेषकहरूका अनुसार, यदि यही लय कायम रहे पुनम यादव रौतहट–३ मा बलियो प्रतिस्पर्धीका रूपमा उभिएकी छन्।
